தாளத்துக்கேற்ற நடனம்
வசிய பார்வை
விஷம புன்னகை
மழலை பேச்சு…
அடிமை பட்டுக்கிடக்கும்
ஒரு ரசிகனாய்
நீ ரசிக்க
பட்டாம்பூச்சிகளுக்கு வலிக்க வலிக்க
பிடித்துத் தருகிறேன் காதலாய்…
கொஞ்சிக் குலாவிக்கொண்டிருக்க
சிறகில் ஒன்று உடைந்து போகிறது…
அருவருப்பாய் தூக்கி எறிகிறாய்
அதிலிருந்த சிவப்பொன்று
என் முகத்தில் தெறிக்க
வண்ணமா ரத்தமா?
பாவத்தின் அச்சத்தோடு
தலையில் கை வைத்தமர்கிறேன்!
சாக துடிக்கும் அப்பூச்சியின்
கன்னங்களை அள்ளி பார்த்திட
அதன் மர்ம புன்னகை
என் முகத்தில் அறைந்து இறக்கிறது..
கண்ணீர் சிலுவையில் நான்!
- ரசிகன்
நன்றி
திண்ணை
http://puthu.thinnai.com/?p=924
நன்றி
விகடன்
*
என்னை
கடந்து செல்லும்
பெண்ணவள் தோழிக்கூட்டமும்
தேரோட்டம் தான்!
யாரிந்த பெண்ணோ
கதை பேசி நடக்கின்றாள்...
என்னுடலில் கை தீண்டாமல்
உயிர் கொன்று போகின்றாள்...
முட்டும் சாலை வளைவில்
முகம் திருப்பி
என்னுயிர் தூக்கி எறிகின்றாள்!
அப்பக்கம் வந்த
பட்டாம்பூச்சி
எனை பார்த்து கேட்கிறது...
அலட்டிக்கொள்ளாத
ஒரு அழகு..
மடிப்பு கலையாத கைக்குட்டை
சிவப்பு சாயம் பூசிய சிரிப்பு...
யார் அந்த தேவதை???-
ரசிகன் நன்றி
திண்ணை
http://www.thinnai.com/?module=displaystory&story_id=311051517&format=htmlரசிகன் பக்கங்களை டவுன்லோட் செய்ய இப்படத்தை சுட்டவும்!
*
அதிகாலை
தேநீர் கோப்பைக்கும்
சாயுங்கால மதுக்கோப்பைக்கும்
இடைப்பட்ட குக்கிராமம் எனது!
வற்றிப்போன இதயங்கள்
குடியிருக்கும்
மிக விசாலமான தெருவில்
இடதுபக்கம் என் வீடு...
முற்பொழுதொன்றில்
அவள் பார்வை பட்ட
ஒதுக்குப்புறத்தில் எனதறை...
அலங்கோலமாய் தானிருக்கும்
குப்பை இருக்காது!
அதில்
நான்கு பேர் மொத்தம்...
ஒரு நான்,
ஒரு பொய்,
ஒரு வால் அறுபட்ட கனவு,
மற்றுமொரு துணையிழந்த நினைவு!
பின்னிரவுகளில்
ஜன்னல் வழி வரும்
நிலா,
மற்றும் பூனைக்குட்டி கணக்கில் இல்லை!
- ரசிகன்நன்றி
திண்ணை
http://www.thinnai.com/?module=displaystory&story_id=311050814&format=html.
ரசிகன் பக்கங்களை டவுன்லோட் செய்ய இப்படத்தை சுட்டவும்!
<3
யுத்த களத்தின்
புழுதியில் நசுக்கப்படுகிறது
என் இரவுகள்!
சுட்டெரிக்கும் நிலவில்
பரிமாறப்படும் நிழலில்
நீ நீயாக காட்சியளிப்பதில்லை எனக்கு!
மந்திரக்காரியாகவே
தந்திரங்களை முன் வைக்கிறாய்!
சுவாரசியங்களை கவிதை எழுதுகிறாய்!
நிர்வாணமாகிறது எனதறை!
நிபந்தனையோடு
கரையத் தொடங்குகிறாய்...
வெற்றியில் பாதியும்
தோல்வியில் பாதியும் எனக்கு!
அச்சத்தின் வாடையோடு
களமிறக்கப்படுகிறது
கூர் தீட்டப்பட்ட வாளோடு புரவி!-
ரசிகன்நன்றி
திண்ணை
http://www.thinnai.com/?module=displaystory&story_id=311043018&format=htmlரசிகன் பக்கங்களை டவுன்லோட் செய்ய இப்படத்தை சுட்டவும்!
*
தலை நசுங்கிக்கிடந்தவனின்
செருப்பொன்று
சாலையை வெறித்துக்கொண்டிருக்க
ரத்தம் உறைந்த தார் ரோட்டை
தேய்த்துக்கொண்டிருக்கின்றன
மரணம் சுற்றும் சக்கரங்கள்!
மாண்டவனின் கடைசி நிமிட
முனகல்களை
பதிவு செய்ய தவறிவிட்டன
வண்டிகளின் ஹாரன் சத்தமும்
ஆம்புலன்ஸின் சைரன் சத்தமும்!
நிராசைகளாய் போய்விட்ட
வாழ்க்கையின் இறுதிப்படிவம்
சொந்தக்காரனின் கையெழுத்துக்காய்
பிணவறையின் வரவேற்பறையில்...
மீண்டும் பருகத்துடிக்கும்
மரணத்தின்
சாலையை ஒட்டிய மரத்தடியில்
அவன் கனவுகள்
அனாதையாய் விசும்பும் சத்தம்
என்னை பின்தொடர்ந்துகொண்டிருக்கிறது!
கவனமாய் செல்லுங்கள்!
-ரசிகன்நன்றி
திண்ணை
http://www.thinnai.com/?module=displaystory&story_id=311032012&format=htmlரசிகன் பக்கங்களை டவுன்லோட் செய்ய இப்படத்தை சுட்டவும்!
*
மௌனங்கள்
என்னை அறைகிற போதெல்லாம்
என் கோவத்தை
சுவரில் முட்டியோ
யாருமற்ற அறையில் கத்தியோ
தணிந்து விடுகிறேன்!
நீங்கள்
எறிந்து விட்டுப்போகும் தனிமைக்கு
என் வீட்டு கெவுளியும்
பக்கத்து வீட்டு குடும்ப சண்டையும்
தற்காலிக சிநேகம்!
பூஜ்ஜியத்தில்
அர்த்தப்படுகிற என் வெற்றிடத்தை
எதை கொண்டு நிரப்ப?
விண்ணளவு காகிதத்தில்
கடலளவு மை கொண்டு
எழுதி கிழித்துவிடலாம்
ஒற்றை இரவில்....
எழுத எடுத்த பேனாவின்
கருங்குப்பியினுள்
உறைந்து கிடக்கும்
தனி”மை”யின் நாற்றம்
ஒரு வித
போதையினை திணித்து விட
இன்றெழுத விட்டதை
நாளை எழுதிக்கொள்கிறேன்!
- ரசிகன்நன்றி
திண்ணை
http://www.thinnai.com/?module=displaystory&story_id=311031310
&format=html*
நன்றி
அதீதம்
http://www.atheetham.com/kavithai.htmரசிகன் பக்கங்களை டவுன்லோட் செய்ய இப்படத்தை சுட்டவும்!
*
தெரு நாய்களின்
குரைத்தலுக்கு
நடுக்கம் காணும் ஜன்னல் கதவுகள்!
வியர்த்தலுக்கு
ஈடுகொடுக்க முடியாத
மின் விசிறி மலட்டுத் தன்மையில்...
உச்சி நுகர்ந்திருக்கும் போர்வை
சடாரென விலக்க...
பேயாட்டம் போடும்
பதிண்வயது உணர்வுகளின்
மொத்த உணர்ச்சிகள்!
மற்றபடி.,
பழுப்பு நிற
ஜீரோ வாட் குண்டு பல்பும்
லேப் டாப்பில் ஒலிக்கும் பழைய பாடலும்
எழுந்து உட்கார வைத்து விடும்!
கொழுந்து விடும்
இந்நட்ட நடு இரவுகளின்
தாகங்கள்...
தலைமாட்டிலிருக்கும்
ஒரு டம்ளர் தண்ணீரில்
தணியப்போவதில்லை!
-ரசிகன்
*
நன்றி,
திண்ணை
http://www.thinnai.com/?module=displaystory&story_id=311012315&format=htmlநன்றி
அதீதம்!
http://www.atheetham.com/naduiravu.htm*
எப்படியும்
தன் கைகளால்
முகத்தை மூடிக்கொள்வாள்
என் பார்வைக்கு!
அவள் கைகளை விலக்குவதா..?
என் பார்வையை விலக்குவதா?
சிவந்து போகும் வெட்கத்தில்
அவள் இருப்பாள்...
ஏமாந்து போகும் ஏக்கத்தில்
நான் இருப்பேன்!
எப்படியும்
ஒரு விரல் இடுக்கில்
எட்டிப்பார்த்திடுவாள்...
நிலாக்கள் சட்டென வழுக்கி விழும்!
நான் சுதாகரித்துக்கொள்ள
அவள் தலை குனிந்து விடுவாள்...
அவள் கன்னங்களை கிள்ளி
அப்படியே அள்ளிக்கொள்ளுதல்
அலாதி ப்ரியம் எனக்கு!
-ரசிகன்
நன்றி
திண்ணை
http://www.thinnai.com/?module=displaystory&story_id=311010215&format=html*
ஒரு குறிப்பிட்ட
சில தோழிகளை மட்டும்
எண்ணம் பட செய்கிறது
ஒரு 555 சிகரெட்டும்
ஒரு கிளாஸ் ஜானி வாக்கரும்!
பேசப்படாத நாட்களில்
மௌனங்களுக்கு
ஊற்றி விடவோ
பற்ற வைக்கவோ
தவறியதில்லை நினைவுகள்!
.
அதிகப்படியான அன்பென்பதும்
தூக்கலான நட்பென்பதும்
ஒரு சிட்டிகை காதலில்
சமன் செய்யப்படுதல்
குறித்த விவரம்
கேட்டே தீர வேண்டும்
அத்தோழிகளிடம்!
எவள் எவள்
எந்தெந்த ஊரில்
எந்தெந்த நாட்டில்
பழைய தோழிகளாக,
புதிய காதலிகளாக,
மனைவிகளாக என்ற தகவலில்...
கையை சுட்டுவிட்டது
சிகரெட் துண்டு!
- ரசிகன்
நன்றி
திண்ணை
http://www.thinnai.com/?module=displaystory&story_id=310122718&format=html
*
ஒரு பெண்ணின்
மிக குறுகிய சிரிப்பழகில்
விரிந்திருக்கும் ரகசியங்கள்...
ஈர்த்தல்
அல்லது பொய்த்தல்
அவரவர் சௌகரியத்திற்கு!
ஒரு கிளாஸ் பழரசத்தில்
ஈருயிர் உறிஞ்சுதல்
அடுத்தவன் பார்வையின் பொழுதுபோக்கு...
இதை காதலென
குழம்பி விடுதலும்
குழப்பி விடுதலும்
அடுத்தவன் காதலியையோ
அடுத்தவள் காதலனையோ
தரம் மாற்றும் கூடுதல் சிறப்பு...
பெண்மையின்
இயற்கை சீற்றங்களில்
பாகுபாடு இருப்பதில்லை எவருக்கும்...
குறிப்பிடும்படியாக எனக்கும்!
மேற்கூறியபடி
மேஜையில் சிந்திய
சில உண்மைகளும்
கிளாசில் கசிந்த
பல உளறல்களும்...
ஏனோ அடுத்த வோட்கா பாட்டிலில்
அதிக விருப்பத்தை
ஏற்படுத்தி விடுகின்றன..."
- ரசிகன்
நன்றி
திண்ணை
*
http://www.thinnai.com/?module=displaystory&story_id=31012196&format=html*
பனி தழுவிய
முன்வாசலில்
மழைகளை எதிர்பார்த்து
வழிகின்றன வண்ணத்துப்பூச்சிகள்...
முன்னிரவிலே முடிவாகியிருந்த
இன்றொரு நாள் சந்திப்பில்
ரேகைகளை
வாசற்கதவுகளில் செலுத்தி
மெதுவாய் கனியும் பாதங்களில்
உயிர் துடிப்பு
ஏற்றம் இறக்கம் கண்டதும்,
வரவேற்பினை மறந்து
வசீகரித்து கொண்ட
பார்வைகள் பேசிய அடுக்கு மொழிகளும்
கவிதைகள் தான் காமத்துக்கு!
பின்வாசலை
நுகர்ந்த செடிகளின்
ஒற்றை ரோஜா பூத்துவிட்டதாய்
பெருமிதப்பட்டவள் பறித்தே விட்டாள்!
நீட்டிய ரோஜாவை
என் விரல்கள் பற்ற
திரும்பிக்கொண்டாள்
கூந்தலை முன்னிலைபடுத்தி...
ஆக,
மழை பெய்ய தொடங்கியிருந்தது
என் வீட்டுக்குள்!
நன்றி
திண்ணை
*
http://www.thinnai.com/?module=displaystory&story_id=310121216&format=html
*
